Butika: Tiketi ya urais ni uchapa kazi na kutekeleza ahadi zilizoahidiwa.

                                                                             

Viongozi wa serikali wametakiwa katika kutekeleza vipaumbele vya taifa badala ya kutumia muda huo kujipigia kampeni za urais mwaka 2015.

Mkurugenzi wa Taasisi ya Mwalimu Nyerere, Joseph Butiku ametoa kauli hiyo katika Kongamano la uhuru lililoandaliwa na Jumuiya ya Wataaluma wa Chuo Kikuu Cha Dar es Salaam (UDASA) ikiwa na kauli mbiu uhuru wetu na mstakabali wa miaka hamsini ijayo.

Butiku ametoa kauli hiyo akijibu hoja ya Naibu Naibu Waziri wa Mawasiliano, Sayansi naTeknolojia, January Makamba ambaye amewataka watanzania walizaliwa kabla ya mwaka 1961 wasigombee uongozi kwa kuwa wameshindwa kuiletea maendeleo bora nchini.

Mkurugenzi wa Taasisi ya Mwalimu Nyerere, Joseph Butiku

Makamba amemhoji Butiku kuwa miaka yote waliyo kaa wamefanya nini hadi tuwe na shule chache nchini.

Butiku amewashangaa viongozi wa serikali wanaozidi kulaumi viongozi waliotangulia kuwa walifanya ni nini wakiwa madarakani badala ya viongozi hao kujiuliza nini kifanyike katika kupambana na umasikini.

“Fanyeni kazi wenzako waone kwamba unafaa cheo cha urais, acheni propaganda za kutafuta vyeo”, amesisitiza Butiku.

                                                                                                                     

Amesema tiketi ya kuchaguliwa ni kufanya kazi kwa bidii na kupunguza maneno yasiyosaidia kutekeleza mipango ya kazi za kimaendeleo ya nchi.

Kauli hii imekuja mara baada ya baadhi ya viongozi wa serikali kuacha wajibu wao katika kuwatumikia wananchi kwa kutumia muda mwingi kujipigia kampeni za urais mwaka 2015, huku wapiga kura wao wakiendelea kupiga miayo ya hali ngumu ya maisha.