Serikali imelaumiwa kwa kushindwa kukomesha vitendo vya rushwa vinavyo

Serikali yakiri Tanzania ni nchi masikini, wasomi wabeza na kuishangaa serikali kwa kauli hiyo.

Serikali imekiri kuwa Tanzania ni nchi masikini, hivy o hatua za haraka zinahitajika ili kunusuru hali ngumu ya maisha inayowakabili wananchi wa Tanzania.

Waziri wa Mambo ya Nje na Ushirikiano wa Kimataifa, Benard Membe, ametao kauli hiyo katika Mdahalo wa Uhuru ulioitishwa na Jumuiya ya wanataluma wa chuo kikuu cha Dar es Salaam (UDASA) katika ukumbi wa Nkame Nkrumah.

“Ni kweli sisi ni masikini, lakini ni umasikini huu tunauondoa wapi? Kuingia madarakani hakutaondoa umaskini bali kujenga viwanda, kuboresha nishati na miundoo mbinu tufauondokana na umasikini,” alisisitiza Membe.

Amewataka wasomi kushirikiana na serikali kufanya utafiti wa kisayansi ili kupata mbinu zitakazo saidia kuikomboa Tanzania katika wimbi la umasiki.

Ameongeza kuwa wasomi ndiyo wanaotegewa katika kuhakikisha Tanzania inatokomeza umasikini kwa kutoa elimu na kufanya tafiti mbalimbali zitakazo isaidia serikali itumie katika shughuli nzima za uchumi na utawala wake.

Amesema idadi ya watu imekuwa ikiongezeka kutoka watu milioni kumi na tano mwaka 1961 Tanzania na sasa ina watu milioni 45 na kufikia 2013 tanzania itakuwa na watu  milioni 65, hivyo utafiti wa haraka unahitajika ili kubaini njia mbadala zitakazo saidia kuondoa umasikini nchini.

Ameongeza kuwa kutokana na umasikini Tanzania inakabiliwa na changamoto za uhaba wa vifaa na dawa hospitali, miundo mbini mibovu, na ukosefu wa vifaa vya kisasa vya kuchimbia madini pamoja na njaa.

Aidha, amesema serikali imejipanga kuboresha miundo mbinu ya umeme wa kutosha ili kuweza kujenga viwanda ambavyo vitasaidia kuajiri wasomi na vijana ili kupunguza hali ngumu ya maisha.

Lakini wasomi wamepinga vikali kauli hiyo kwa kusema kuwa Tanzania ni nchi tajiri kwa kuwa ina maliasili nyingi ambazo zingetumiwa kwa manufaa ya watanzania wenyewe zingefuta historia ya umasikini nchini.

Naye profesa Haji Semboja, amepinga kuwa Watanzania sio masikini ila kinachosababisha umasikini Tanzania ni wananchi kukosa ya sera taifa ya kujitegemea na kushindwa kuthibiti maliasili zilizopo kwa kuwaachia wageni wamiliki maliasili ya watanzania.

Amesema madini ya Watanzania yanachimbwa na wageni na pindi wanyeji wakichimba wanaitwa wavamizi na kuzuiliwa kuchimba madini yao, hali ambayo ina tetea maslahi ya wageni na kuwagandamiza wenyeji.

Aidha, mwanasiasa wa CHADEMA, Esta Wasira amesema umasikini Tanzania umesababishwa na serikali mbovu ya chama tawala ambayo imeshindwa kutetea masilahi ya raia wake badala yake kujilimbikizia mali za umma kwa manufaa yao binafsi.

Ameongeza kuwa rushwa inayoendeshwa katika chaguzi mbalimbali za chama tawala zinachochea uwepo wa umasikini nchini.

Amesema viongozi wanaoingia madarakani kwa njia ya rushwa hawana lengo la kuwakomboa wananchi katika umasikini.

Naye mhariri wa Chuo Kikuu cha Dar es Salaam, Martha Qoro, amesema kukosekana kwa lugha rasmi ya kufundishia masomo yote shuleni, vyuoni na vyuo vikuu ambayo itasaidia wanafunzi kupata elimu nzuri na hatimaye kulisaidia taifa katika maendeleo.

Amesema wanafunzi wanahitimu kila mwaka lakini hawaleti matunda kwa nchi hii ni kutokana na wanafunzi kufundishwa kwa lugha wasioielewa na hivyo kuua vipaji na ubuni wa wanafunzi katika kuileta maendeleo ncho yao.