NGUVU YA HABARI

Kikosi cha timu ya taifa ya Tanzania chini ya kocha wake mdenimark Kim Paulsen kesho kinashuka dimbani dhidi ya Mabingwa wa Afrika, Zambia (Chipolopolo)au risasi za shaba, mchezo utakaopigwa uwanja wa taifa jijini Dar es salaam kuanzia saa 10 jioni.

Nahadho wa kikosi cha Zambia na mchezaji bora wa mwaka 2012 wa tuzo inayotolewa na BBC, Christopher Katongo ametamba kuibuka na ushindi katika mchezo wa kesho, huku akijinasibu kutetea ubingwa wao wa afrika pindi watakapo tua bondeni.

Katongo amesema wanatambua ugumu wa mashindano ya 2013 kwani kila timu inajiapanga kufanya vizuri lakini watajituma kufa na kupona kuhakikisha wanatetea kombe walilopata mwaka huu februari nchini Gabon.

Wachezaji watakao kuwepo katika mchezo huo ni Chintu Kampamba, Chisamba Lungu, Christopher Katongo, Danny Munyau, Davy Kaumbwa, Derrick Mwansa, Evans Kangwa, Felix Katongo na Francis Kasonde.

Given Singuluma, Hichani Himonde, Isaac Chansa, James Chamanga, Jimmy Chisenga, Jonas Sakuwaha, Joshua Titima, Kalililo Kakonje, Moses Phiri, Mukuka Mulenga, Rainford Kalaba, Rodrick Kabwe, Salulani Phiri, Shadrack Malambo na Stoppila Sunzu.

MAKOCHA

Kuelekea katika mechi ya kesho makocha mbalimbali wametoa tathmini yao kuhusiana na mchezo huo wa kesho.

Mmoja wa makocha hao ni kocha Keny Mwaisabula mzazi ambaye amesema mechi ya kesho ni muhimu sana kwa taifa stars ukizingatia inakutana na mabingwa wa afrika ambao watawapa changamoto nzuri vijana wa stars kuwakabili wamorocco mwakani kuwania kufuzu fainali za kombe la dunia.

Mwaisabula amesema stars inaweza kufanya vizuri japo watakutana na wachezaji bora wa Zambia na wenye majina makubwa zaidi.

Naye kocha wa mabingwa wa zamani wa kandanda Tanzania Afrian sports ya Tanga John Wiliam maarufu kama Del Piero amesema Zambia na Tanzania hazitofautiana sana na miaka ya nyuma tuliwazidi kiwango lakini sasa wanaonekana kujipanga vizuri kuliko sisi.

Piero amesema taifa stars kesho itapata ushindi kwani vijana wanaonekana kuwa makini na kuwa na mabadiliko makubwa zaidi.

Mbali na kuzungumzia mchezo huo, Del Piero amesema kesho timu yake itashuka uwanjani kukabiliana na wapinzani wao wa jadi Makorora ya Tanga mjini, mchezo utakaopigwa uwanja wa ccm mkwakwani mkoani Tanga.

Mechi hiyo ambayo ni ya ligi ya mkoa wa Tanga iliahirishwa wiki iliypopita kutokana na uwanja wa mKwakwani kuwa na matumizi mengine.