Wananchi mkoani Mbeya waunga mkono tamko lza UKAWA

Na Betty    Gilbert, MBEYA  

Baadhi ya wananchi mkoani mbeya wametoa  maoni yao juu ya tamko  la vyama vinavyounda umoja wa katiba ya wananchi (UKAWA) la kutoshiriki katika zoezi la kuipigia kura katiba inayopendekezwa ifikapo aprili 30 mwaka huu.

Wakizungumza na Nguvu ya Habri february 26 mwaka huu baadhi ya wananchi hao wamesema kuwa umoja huo uko sahihi kususia zoezi hilo wakidai kuwa maoni ya walio wengi yamepuuzwa.

Hata hivyo wameongeza kuwa mbali na kupuuzwa kwa maoni ya wananchi, wamesema hata katiba ya kwanza hawaifahamu, hivyo kujua marekebisho yaliyofanywa katika katiba mpya itakuwa ni vigumu hata kama wataisoma. 

Nao baadhi ya viongozi wa ukawa wamesema katiba inayopendekezwa imeacha asilimia tisini ya maoni yaliyopendekezwa na wanachi, hivyo wamedai kuwa hawaoni haja ya ukawa pamoja na wananchi wenye uzalendo na nchi yao kuipigia kura ya ndiyo katiba hiyo.

Hata hivyo baadhi ya viongozi wa upande wa chama cha mapinduzi (ccm), wamesema kuwa kiongozi yeyote lazima afuate kanuni na sheria na siyo kufanya maamuzi yake binafsi bila kufikiria mustakabali wa taifa  na kudai kuwa hakuna sababu ya ukawa kutoshiriki kupiga kura.