Mwambigija: Wananchi kitokezeni Kujiandikisha kwenye daftari la Kudumu la Mpiga Kura

Elizabeth Nyivambe, MBEYA

Wakati wananchi wakiendelea kujiandaa kujiandikisha katika daftari la kudumu la wapiga kura, Mwenyekiti wa chama cha demokrsaia na maendeleo Chadema mkoani mbeya John Mwambigija amewataka wananchi kuendelea kujitokeza kwa wingi katika uandikishaji huo.

Mwambigija amesema hayo march 13 mwaka huu, wakati akihutubia wananchi waliojitokeza katika mkutano wa hadhara wa chama hicho uliofanyika katika eneo la maendeleo kata ya Iyunga jijini mbeya.

amewataka wananchi mkoani mbeya na kwingineko nchini kuhakikisha wanazingatia haki yao ya msingi kujiandikisha kwa ajili ya kushiriki katika uchaguzi mkuu ujao wa oktoba mwaka huu.

Nao baadhi ya viongozi wa Cha chama hicho, wamesema kujiandikisha ni haki ya kila mwananchi na kuwataka wananchi kuchagua viongozi wazalendo walio na uchungu na nchi yao wenye kutetea maslahi ya umma.

Kwa upande wao baadhi ya wananchi waliohudhuria mkutano huo wamesema vyama vya siasa havina budi kuendelea kutoa elimu kwa wananchi, juu ya umuhimu wa kujiandikisha kwani wananchi wengi hawalichukulii uzito jambo hilo kufuatia viongozi wao kuwasaliti pindi wanapoingia madarakani.

Uchaguzi wa Rais, Wabunge na Madiwani unatarajiwa kufanyika mwezi oktoba mwaka huu, ambapo elimu bado inaendelea kutolewa kwa wananchi kuhusu umuhimu wa kujiandikisha katika daftari la kudumu la wapiga kura, ili kushiriki uchaguzi huo, sambamba na kuipigia kura katiba pendekezwa.

Hata hivyo shughuli zote hizo zina tegemea wananchi wajitokeza kujiandikisha huku pia mfumo unaotumika kuandikisha wa BVR ukikabiliwa na changamoto lukuki, ambapo mpaka sasa ni mkoa mmoja tu wa Njombe ndiyo ulioanza kuandikisha.