Mzee wa upako: CHADEMA Tangazeni nia za Kugombea Majimbo yaliyowazi

Na Faraja Muwanje, MBEYA

Chama cha demokrasia na maendeleo (CHADEMA) Mkoa wa Mbeya kimesema hakitaruhusu watu wanaotaka kutangaza nia katika majimbo ambayo yanaongozwa na chama hicho mpaka pale bunge litakapovunjwa rasmi kwa ajili ya uchaguzi kutokana na sheria za chama hicho.

akizungumza na blogu ya Nguvu ya Habari kwa njia ya simu machi 13 mwaka huu, Mwenyekiti wa chama hicho wilaya ya Mbeya David John Mwambigija amesema chama hakiwezi kuruhusu watu kutoka ndani ya chama kutangaza nia ili kuepuka wabunge na madiwani walioko madarakani kufanya vibaya kwa muda uliosalia.

Aidha Mwambigija amekiri kuwepo kwa watangaza nia wengine nje ya jimbo la Mbeya akiwemo yeye mwenyewe na kuelezea baadhi ya sifa za mtu anayetaka kutangaza nia ndani ya chadema ikiwa ni pamoja kuandika barua na kupeleka katika jimbo analotaka kugombea.

Hata hivyo Mwambigija alipoulizwa utaratibu wa watangaza nia kupitia muundo wa umoja wa katiba ya wananchi UKAWA  amesema wanaangalia chama kimojawapo ndani ya UKAWA kinachokubalika eneo fulanina ndicho kitakacho simamisha mgombea.

Pia kituo hiki kimezungumza na katibu wa chama cha mapinduzi (CCM) wilaya ya Mbeya mjini Kulwa Millonge ambaye amesema kwa upande wa chama chake utaratibu wa kutangaza nia bado haujatangazwa katika chama hicho, hivyo wanasubiri maelekezo kutoka makao makuu.

Uchaguzi mkuu kuchagua rais, wabunge na madiwani utafanyika oktoba mwaka huu,ambapo viongozi wenye nia ya kuwania katika ngazi mbalimbali za uongozi wanatumia muda uliobaki kujinadi kwa wananchi wao ili kupigiwa kura wakati ukifika.