uhaba wa vifaa vya Usafi Waitesha Mbeya Vijijini

Na Josea Sinkala, Mbeya

Wakati viongozi na wakuu wa mikoa nchini wakitekeleza agizo la Rais John Magufuli la kufanya usafi wa mazingira disemba 9 mwaka huu, serikali ya halmashauri ya wilaya ya Mbeya inakabiliwa na changamoto ya kukosa vifaa vya kufanyia usafi katika mitaro ya maji machafu.

Mkurugenzi wa halmashauri ya wilaya ya Mbeya Upendo Sanga ndiye alitoa kauli hiyo wakati akizungumza na waandishi wa habari katika ofisi ya halmashauri hiyo.

Sanga alisema licha ya kushirikiana na viongozi mbalimbali na wananchi kwa ujumla kufanya usafi wa mazingira jambo linaloikwamisha serikali ya halamashauri hiyo kutekeleza agizo la rais kwa kiwango kikubwa ni kukosa vifaa vya kufanyia usafi hali inayochangia kusababisha mafuriko kipindi cha mvua na kudai kuwa serikali bado inaendelea kushughulikia.

Pia alisema serikali imewaandikia barua wananchi waliojenga pembezoni mwa mikondo ya kupitisha maji ili kufanikisha zoezi la uzibuaji mitalo hiyo.

Alitumia fursa hiyo kuwaasa wananchi kuzingatia taratibu za usafi na kusafisha mazingira yao na maeneo ya biashara huku akiwataka kujitokeza kwa wingi siku ya kilele cha kufanya usafi.